Məsum cana qıymaq olmaz!
Amr bin Şərid deyir: Allahın elçisi - salləllahu aleyhi va səlləm - belə buyurarkən eşitdim: "Kim bir sərçəni əbəs yerə öldürərsə Qiyamət günü Allaha - azzə və cəllə - şikayət edərək qışqırar: "Ya Rabbim! Fılan şəxs məni əbəs yerə öldürdü, məni bir mənfəət üçün öldürmədi." ən-Nəsəi (4458)
Qardaşının üzünə təbəssüm etmək sədəqədir!
Əbu Zərr deyir: Allahın elçisi - salləllahu aleyhi va səlləm - buyurdu: "Qardaşının üzünə təbəssüm etməyin sənin üçün bir sədəqədir, yaxşlığı əmr edib pislikdən çəkindirmək sədəqədir, yolunu azmış birinə yol göstərmək sənin üçün bir sədəqədir, gözü görməyənə göstərmək sənin üçün sədəqədir, yoldan tikanı, daşı, sümüyü aradan qaldırmaq sənin üçün sədəqədir, öz qabından qardaşının qabına tökmək sənin üçün sədəqədir."ət-Tirmizi, (1956)
Yeməyi problem etmə!
"Peyğəmbər – sallallahu aleyhi və səlləm – heç bir zaman heç bir yeməyi pisləməzdi. Ürəyi istədikdə yeyərdi, istəmədikdə yeməzdi”. Buxari 5409, Müslim 2064
Əsl möminin qonşusu da özü kimi tox olar!
Ənəs bin Malik - radiyallahu anhu - buyurur ki, Allahın elçisi - salləllahu aleyhi va səlləm - demişdir: "Qonşusu yanında ac qaldığı halda bundan xəbəri olaraq qarnı tox yatan mənə iman etməmişdir." ət-Tabərani
Çox yeməkdən çəkinmək lazımdır!
Nafi deyir: "İbn Ömər onunla birlikdə yemək üçün bir miskin gətirilmədən yeməyə başlamazdı. (Bir gün) onunla birlikdə yemək üçün bir nəfəri gətirdim və həddindən çox yedi. Bunun üzərində (İbn Ömər) dedi: "Ey Nafi! Bunu mənim yanıma gətirmə! Peyğəmbəri - salləllahu aleyhi va səlləm - belə deyərkən eşitdim: "Mömin bir qarın tutumunda yeyər, kafir isə yeddi qarın tutumunda yeyər." əl-Buxari və Muslim
Həyat yoldaşına zülm etmə!
Möminlərin anası Aişə - radiyallahu anhə - deyir: "Allahın elçisi - salləllahu aleyhi va səlləm - heç bir şeyə əsla əl qaldırmamışdır. Nə bir qadını, nə də bir xidmətçini vurmuşdur; yalnız Allah uğrunda cihad etməsi halı istisna idi. Onun haqqına girdikdə qarşı tərəfdən intiqam almazdı, lakin Allahın haramlarından biri işləndikdə Allah - azzə və cəllə - üçün intiqam alardı." Muslim (2328)
Zamanın qədrini bilək ki,sonra peşman olmayaq
And olsun zamana ki, insan ziyan içindədir.Yalnız iman gətirib yaxşı əməllər edən, bir-birinə haqqı tövsiyə edən və səbri tövsiyə edən kimsələrdən başqa!(Əsr,1-3)
Ən ləziz yemək halal qazancdan olur
Miqdam bin Mədi Kərib deyir: Peyğəmbər - salləllahu aleyhi va səlləm - dedi: "Heç kim öz əlinin qazancından yediyindən daha xeyirli bir yemək yeməmişdir. Davud peyğəmbər öz əməlinin qazandığından başqa bir şey yeməzdi." əl-Buxari
Camaat namazına önəm verin!
Əbu Musa əl-Əşari deyir: Allahın elçisi - salləllahu aleyhi va səlləm - buyurdu: "Namazdan əcri ən çox olan insan yürüməli olduğu yolu ən uzaq olandır, sonra ondan da uzaq olandır. İmam ilə birlikdə namaz qılmaq üçün gözləyənin əcri namaz qılıb, sonra yatanın əcrindən daha çoxdur." əl-Buxari və Muslim
Uşaqlara rəhm edin ki, rəhm olunasız!
Əbu Hureyrə deyir: "Allahın elçisi - salləllahu aleyhi va səlləm - Əlinin oğlu əl-Həsən'i öpdü və əl-Əqra bin Həbis ət-Təmimi onun yanında oturmuş halda idi. əl-Əqra dedi: "Mənim on uşağım var, onlardan heç birini öpməmişəm." Bunun üzərinə Allahın elçisi - salləllahu aleyhi va səlləm - ona baxdı və dedi: "Kim rəhm etmirsə rəhm olunmaz." əl-Buxari və Muslim
Unutma ki, nəvaziş nəsihətin bəzəyidir!
Ənəs bin Məlik - radiyallahu anhu - deyir: "Allahın elçisi - salləllahu aleyhi va səlləm - buyurdu: "Elə bir şey yoxdur ki, mülayimlik, nəvaziş ona qarışdıqda onu gözəlləşdirməsin və elə bir şey yoxdur ki, ondan nəvazişi alıb götürdükdə onu çirkinləşdirməsin!" "Müsnəd Əhməd", 3/241
Məscidlərə can atın!
Ömər bin əl-Xattab deyir: Allahın elçisi - salləllahu aleyhi va səlləm - buyurdu: "Kim Allah üçün məsciddə ilk təkbirə yetişərək qırx gün camaatda namaz qılarsa ona iki qurtuluş yazılar: biri atəşdən qurtuluşdur, digəri isə münafiqlikdən qurtuluşdur." ət-Tirmizi
Gecə nemətinə şükür edək
De: “Bir deyin görək, əgər Allah gündüzü üstünüzdə qiyamətə qədər uzatsa, Allahdan başqa hansı məbud dincəldiyiniz gecəni sizə gətirə bilər? Məgər siz görmürsünüz?”(Qəsəs,72)
Yeniliklər İcmalı
Namazda qeyri ərəbcə dua
- Details
- Category: Fiqh
- Hits: 4599
Namazda ərəb dilini bacarmayan müsəlman qardaş və bacılarımız öz dillərində dua edə bilərlərmi? Bu sual ilə bir çox müsəlman bizə müraciət etdiyi üçün onların faydalanması məqsədi ilə mövzu barədə məzhəblərin görüşlərini topladıq və bunu kiçik bir məqaləyə sığışdırdıq. Mövzunun namaz kimi əzəmətli bir ibadətlə əlaqəli olduğunu nəzərə alaraq məqalənin əhəmiyyətli olduğunu düşünürəm.
Rağaib gecəsi və rağaib namazı
- Details
- Category: Fiqh
- Hits: 3187
Müsəlmanların çox zaman eşitdikləri və türklərin ”Reğaib Kandili” adlandırdıqları gecə nədir? Hər il təkrarlanan bu münasibətlə bağlı televizorda, xüsusilə türk kanallarında tədbirlər təşkil olunur və müsəlmanların məscidlərdə toplandığını görə bilirik. Təbii ki, bu barədə alimlərin fikirlərini bilmək istəyən müsəlmanlarda suallar əmələ gəlir.
Müaviyə Əlini söyməyi əmr edibmi?
- Details
- Category: Tarix
- Hits: 3817
Peyğəmbərin – salləllahu aleyhi va səlləm – səhabələrindən biri olan Müaviyə bin Əbi Sufyan haqqında daha əvvəl kiçik bir risalə yazmışdıq və o risalədə bəzi şübhələrə cavab verilmişdi. Çox təəssüf ki, son zamanlar özlərini sünni adlandıran bir qövm Müaviyənin şəxsiyyətini öldürmək üçün bir təbliğat kampaniyasına başlayıb və bunun üçün açdıqları mövzunu dəridən, qabıqdan çıxaraq tapdıqları nəqllər ilə doldurmağa çalışırlar. Biz bu yazımızda onların Müaviyə haqqında yazdıqlarının hamısı haqqında rəyimizi bildirməyəcəyik, lakin o şübhələrdən birinə toxunacağıq.
Elm tələbəsi və təqlid
- Details
- Category: Fiqh
- Hits: 2374
Bizim sələfi qardaşlarımız arasında belə bir yalnış təsəvvür yayılıb ki, elm tələbəsi təqlid etməz. Təqlid edən yalnız zır cahil olan kəsləərdir. Ona görə də bəzi elm tələbəciklərinin “avam” sözünə geydirdikləri təzə mənaya aldanırlar. Halbuki həqiqət onların öyrətdiyi kimi deyildir. Həqiqət budur ki, ictihad mərtəbəsinə çatmamış hər bir kəs təqlid etməyə məcburdur. Elm tələbəsi isə ictihad mərtəbəsinə çatmış sayılmaz. İmam Əbu İshaq əş-Şatibi deyir:
İmam Əhməd fəqih olaraq
- Details
- Category: Tarix
- Hits: 2349
Imam Əhmədin fəqih olması artıq ümmət arasında qəbul edilmiş bir faktdır. Artıq neçə əsrdir ki, alimlərimiz onu fəqihlər arasında zikr edirlər və bir müctəhid kimi onun məzhəbinə təqlid etməyi caiz görürlər. Tarixin müəyyən dövründə bu məsələ haqqında bəzi mübahisələr olmuş və ötüb keçmişdir. Bizim zamanımızda bəzi işsiz-gücsüz adamlar bu məsələni ortaya çıxarıblar və İmam Əhmədin məqamını insanların gözündə kiçiltmək məqsədi ilə onun fəqih olmasına, əqaiddə bir imam olmasına şəkk gətirməyə çalışırlar. Ona görə də bu yazımızda İmam Əhmədin fəqih olduğunu bir neçə yöndən göstərməyə çalışacağıq ki, insanların ürəyində şübhəyə yer olmasın.
Saqqal və valideynlərin ixtiyarındakı gəlin
- Details
- Category: Əxlaq və ədəb
- Hits: 3275
Məscidə döşənmiş xalının üstündə gah oturaraq Quran oxuyur, gah yorularaq uzanır, bəzən məsciddən çıxaraq çayxanada oturur, lakin səhərdən axşama qədər məsciddə qılınan camaat namazlarını qaçırmamağa çalışır. Necə də gözəl bir mənzərə gözümün önündə canlanır!
Yeni Müsəlman
-
01 Jul , 2018Elm Öyrətmənin Fəziləti
Buxari və Müslimin səhihlərində Səhl İbn Saddan (Allah ondan razı olsun) təxric etdikləri hədisdə elm öyrətmənin fəziləti haqqında belə deyilir: “Allah Rəsulu (Allahın ona salat və salamı olsun) Əliyə (Allah ondan razı olsun) dedi : Allahın bir adama sənin vasitənlə hidayət verməsi, sənin üçün qırmızı dəvələrə sahib olmandan daha xeyirlidir."[1]
-
30 Jun , 2018Elm, Elmin Fəziləti və Elmlə Bağlı Məsələlər kitabı
Elm öyrənmənin və öyrətmənin fəziləti
Aləmlərin Rəbbi Qurani-Kərimdə belə buyurur:
“De: 'Heç bilənlərlə bilməyənlər eyni ola bilərmi?” (Zümər surəsi 9)
“Allah sizdən iman gətirənlərin və elm verilmiş kimsələrin dərəcələrini ucaltsın.” (Mücadilə surəsi 11)
-
11 Nov , 2016Əhməd bin Hənbəl ibn İshaqdan o da Kəb bin Malikdən (radiyallahu ənh) Əqabə hadisəsi haqqında belə dediyini rəvayət edib: …O gecə qövmümüzlə birlikdə miniklərimizin üstündə yatdıq. Gecənin üçdə biri keçəndən sonra Allah Rəsulu (səllallahu əleyhi və səlləm) ilə görüşmək üçün miniklərimizdən ayrıldıq. Gizli səssiz bir şəkildə bir-bir iki-iki gedirdik. Əqabadaki bir vadidə toplandıq. Biz yetmiş iki kişi idik. Hamımız toplandıqdan sonra Allah Rəsulu (səllallahu əleyhi və səlləm) gəldi. Yanında Rasulullah (səllallahu əleyhi və səlləm)in əmisi Abbas bin Abdulmuttalib var idi. O, hələ o vaxt öz qövmünün dinində idi. İlk olaraq Abbas bin Abdulmuttalib danışdı:
-
09 Nov , 2013İman qəlblə inanmaqdır. Necə ki, Uca Allah -əzzə və cəllə- müqəddəs kitabında buyurur: O kəslər ki, qeybə (Allaha, mələklərə, qiyamətə, qəza və qədərə) inanır... O kəslər ki, sənə göndərilənə və səndən əvvəl göndərilənlərə iman gətirir və axirətə də şəkksiz inanırlar. (əl-Bəqərə, 3-4)
Fətvalar
-
02 Jun , 2017
Mufti: Şeyx Muhəmməd bin Süleyman əl-Cərrah əl-Hənbəli
Sual: İmsak və iftar vaxtları baxımından radioda və ruznamələrdə verilən vaxtlara əsaslanaraq insanlar oruc tuta və onlara əsasən oruclarını aça bilərlərmi?
-
14 Apr , 2017
Mufti: Əhməd bin Muhəmməd bin Hənbəl
Sual: Qadının öz malından istədiyi kimi sədəqə verməsinə ərinin mane olmağa haqqı varmı?
-
02 Nov , 2016Mufti: Şeyxul-İslam İbn Teymiyyə
Sual:
Kişi həyat yoldaşına namaz qılmağı əmr edir və (qılması üçün) vurur, buna baxmayaraq (qadın) qılmır. Mehr və başqa səbəblərə görə də qadını boşaya bilmir.
-
01 Nov , 2016Mufti: Şeyxul-İslam İbn Teymiyyə
Sual:
(Diri ikən) namaz qılmayan bir ölü üzərində cənazə qılmaq barəsində soruşuldu; bunda kiməsə əcr düşür ya yox? Onun namaz qılmadığını bilməklə yanaşı əgər (ona cənazə qılmağı) tərk edərsə günaha girirmi? Həmçinin şərab içən, namaz qılmamış kimsə üzərində bunları bilənə cənazə qılması icazəlidir ya yox?
Kitablar
-
Dəyərli vaxtını düşünərək ilk başdan bir nəsihət etmək istəyirik. Əgər zamanımızda sözü gedən xilafət mövzusu ilə maraqlanan biri deyilsənsə, lakin ibadətlərinlə məşğul olan və ümmətə bacardığın qədər kömək etməyə çalışan birisənsə o zaman bu kitabı oxumağa ehtiyacın yoxdur. Oxuya biləcəyin daha xeyirli kitablar vardır. Əgər iddia olunan xilafəti qəbul edən kəslərdənsənsə o zaman oxumağı tövsiyə edirik. Əgər qəbul etmirsənsə, lakin şübhə içindəsənsə sənə də oxumağı tövsiyə edirik. İslamda idarə sistemi ilə bağlı mövzuları araşdıran elm əhlisənsə o zaman bu kitabda faydalı ola biləcək məlumatlar vardır.
-
Təqdim etdiyimiz bu kitab dinimizin ən məşhur və ən aşkar şüarlarından, eyni zamanda ən əzəmətli ibadətlərindən biri olan təravih namazları haqqındadır. Ramazan ayında qılınan bu təravih namazlarının rükətlərinin sayı haqqında son dövrlərdə müzakirələr çoxalıb. Bu kitabımızda məsələni ətraflı ələ almağa çalışdıq və bu barədə zikr olunan ən önəmli nöqtələrə toxunduq.Kitabı diqqətlə oxumanız önəmlidir.
Məqalələr
-
22 Apr , 2018İslam əhkamının tətbiq edilmədiyi cəmiyyətlərdə boşama və evliliklə bağlı məsələlərdə müsəlman ailələr boyük problemlərlə üzləşirlər. Bu problemlərin ən qəlizlərindən biri də əri tərəfindən zülm görən müsəlman qadınların ərlərindən boşana bilməməkləridir. Bu vəziyyətdə qadın çarəsiz halda qalaraq zülm və əziyyət içində həyatını sürdürməli olur. Qadının vəliləri könüllü olaraq kişini dilə gətirə bilmirlər. Bu halda çıxış yolları nə ola bilər?
-
28 Jan , 2018Bu barədə eninə və uzununa yazmağımıza baxmayaraq inadkarlar görməməzlikdən gəlirlər və özlərinə etibar edən qafil müsəlmanları da aldatmağa davam edirlər. Halbuki həqiqət həddindən artıq bəsitdir və həqiqət budur ki, siravi müsəlmanlara alimləri təqlid etmək vacibdir.
-
03 Jan , 2018Məzhəblərə qarşı aparılan təbliğatın mərkəzində bəzi xoşa gəlməyən misallar durur. Bu misalların tacı isə hənəfilərin şafi’i məzhəbindən olan oğlanlara qız verməyi qadağan etməkləri iddiasıdır. Bu cür misalları verərək insanlarda oyatdıqları təəssüratın fəsadı ölçülməz dərəcədə böyükdür. Bu eşitdiklərini dərk edə bilməyən avam kütlənin bir hissəsi batil dinlərə qarşı tutumunu məzhəblərə qarşı da nümayiş etdirir.
-
18 Sep , 2017
Əbu Abdilləh Muhəmməd bin Musa bin Abdilləh əl-Bələsəğuni tarixdə xoşa gəlməz bir ifadə ilə yadda qalmış bir alimdir. Hənəfi məzhəbindəndir. ”ət-Turki” və ”əl-Ləmişi” nisbətləri ilə də tanınır. Əslən Kaşğar şəhəri yaxınlığında yerləşən Bələsəğun kəndindəndir. Şəriət elmlərini Bağdadda böyük hənəfi alimi əd-Dəmiğani’dən öyrənib.
-
16 Sep , 2017Son günlər qəbir başında Quran oxumaqla bağlı bir müzakirə başladıldı. Bu müzakirə bir sıra müsəlmanlar tərəfindən normal qəbul edilsə də başqaları tərəfindən çox aqressiv qarşılandı. Ona görə də bu ixtilafla bağlı bir iki cümlə paylaşmaq istəyirik.
Şəxsiyyətlər
-
06 Dec , 2014Osman bin Ömər bin Əbi Bəkr bin Yunus əl-Kurdi əd-Dəvini əl-İsnəi tanınmış maliki fəqihlərindən və bariz üsulçu alimlərdəndir. Cəməlud-Din ləqəbidir, Əbu Amr isə kunyəsidir və İbnul-Həcib adı ilə tanınmış və məşhurlaşmışdır, çünki atası Salahuddin əl-Əyyubi’nin dayısı Əmir İzzud-Din Muisk’in həcib’i, yəni qapı gözətçisi kimi çalışıb.
-
17 Mar , 2014Əbul-Fəth Təqiyyud-Din Muhəmməd bin Əbil-Həsən Məcdud-Din Əli bin Əbil-Atayə Vahb bin Əbis-Səm’ Muti bin Əbit-Ta’ə əl-Quşeyri əl-Bəhzi əl-Qusi əl-Mənfəluti əs-Sa’idi hicri yeddinci əsrin imamlarından biridir, islam tarixinin gördüyü ən bariz alimlərindən biridir. İbn Dəqiqil-İd adı ilə məşhurdur.
-
12 Nov , 2013Abdul-Məlik bin Həbib bin Rabi bin Süleyman bin Hərun bin Cəhəmə bin Abbas bin Mirdəs əs-Suləmi; böyük maliki alimlərindən biridir. Kunyəsi Əbu Mərvandır.
-
04 Apr , 2013Əbu Abdilləh əl-Həsən bin İbrahim bin Hüseyn bin Cafər əl-Həməzəni əl-Cuvzəqani böyük hafizdir. “əl-Məvduat” kitabının müəllifidir. Cuvzəqan isə Həməzan tərəfdə bir yerdir.
-
03 Apr , 2013Əhməd bin Abdilləh bin Əli bin Abdilləh əl-Ənbusi şafi’i fəqihidir. Əbul-Həsən ibn əl-Ənbusi əl-Bəğdədi əl-Vəkil adı ilə tanınır. Hicri 466-cı ildə anadan olub. Böyük alim, mühəddis İmam Əbu Muhəmməd Abdullah bin Əli bin əl-Ənbusi’nin oğludur. Ənbus dəniz bitkilərindən birinin taxtasıdır ki, ondan müxtəlif əşyalar düzəldirlər. Bunun ticarəti və ya dülgərliyi ilə məşğul olanlara əl-Ənbusi və ya əl-Ənəbusi deyirlər. Bu ləqəblə bir çox alim tanınmışdır.
